hammmmmm,................................
:sarc
Hum bhi pyaar karte hain
Tum se be-panah janaa
Aur is mohabbat ka aetraaf kurte hain
Hum tu is mohabbat mein aisa haal rukhte hain
Zud-erunj lamhon ko tum se duur rukhte hein
Aur apne sur pur hum dukh ki shaal rukhte hein
Hum tu yoon mohabbat ka ehtamaam kurte hein
Kurb-e-zindagani ko apne naam kurte hein
Tujh ko khush rakhein kaise, bus ye khiyaal rukhte hein
Hum bhee khwaab rukhte hein
Neem wa dareechoon mein
Hum bhee chahte hein kay
Hum bhee aik din ayein
Bus teri panahoon mein
Dil nasheen bahoon mein

Meri Ankhoon Kay SAmandar main Jalan kaisi Hai
Ajj Phir Dil Ko Tarapnay Ki LaGan Kaisi Hai
Ab Kisi Chaat Pay Chiragon Ki Qatarin Bhi Nahi
Ab Teray Shehar Ki Galioyon Main Guthan Kaisi Hai
Baraf Kay Roop Main dhaal Jain Gay Saray Rishtay
Mujh say Pocho Kay Muhabbat Main Agan kaisi Hai
Main Teray Wisal Ki Khuwahish Ko na Marnay Doon Ga
Mausam-e-Hijar Kay lehjay Main Takan Kaisi Hai
Raigzaron Main Jo Banti Rahi Kantoon Ki RiDa
Uss Ki Majboor Sii Ankhoon Main Kiran Kaisi hai
Mujhe Masoom si Pagal Larki Pay Taras ata hai
ussay Dekho Tu Muhabbat Main Magan Kaisi Hai

koi zanjeer ho
aahan ki chandi ki riwayat ki
muhabbat toad sakti hai

ye aisi daal hai jis per
zamane ki kisi talwaar ka loha nahi chalta
ye aisa shaher hai jis me
kisi ameer kisi sultan ka sikka nahi chalta

agar chashm-e-tamasha me zara si bhi milawat ho
ye aaina nahi chalt

ye aisi aag hai jis me
badan shollon me jalte hon to roohen mukurati hain

ye woh sailaab hai jis ko
dilon ki bastiyan aawaz de kar khud bulati hain

ye jab chahe kisi bhi khwab ko tabeer mil jaye
jo manzaer bujh chuke hain unko bhi tanweer mil jaiye
du'a jo bethikana thi usay taaseer mil jaiye
kisi raste me rasta poochte taqdeer mil jaiye

muhabbat roak sakti hai
samay ke tez dhare ko
kisi jalte sharare ko
fana ke ishtaareyko

ye chaknachoor aa-eenay ki kirchiyan jod sakti hai
jidhar chahe ye baaghee mausamon ko mod sakti hai
koi zanjeer ho us ko muhabbat tod sakti hai

cuuuuuuuuuuuuuuuuuute :hoho

cuuuuuuuuuuuuuuuuuute :hoho

meree favt poems mai se aik......mai iss ko pir se post kar raha hoon
[img]http://www.speedis.org/images/243167.jpg[/img]

abb bhe lagta hai yahi

UMR BECHEN GUZER JAYEGEE

q aisa lagta hai khairiat to hai???

bad-naseebi koyee mosam nahi hotee ke guzer-jayegee...

ABB BHE LAGTA HAI YAHI---UMR BECHENGUZER JAYEGEE

wisaal-o-hijr me
ya khwab se mahroom aankhon me
kisi ahd-e-rifaqat me
ke tanhai ke jangal me
khyal-e-khal-o-khad ki roshani ke gahre baadal me
chamkti dhoop me ya phir
kisi be abr saye me
kahin baarish me bhige jism-o-jaan ke nasrparon me
kahin hoton pe shairon ki mahaktie aabsharon me
chiraghon se saji shaamon me
ya benoor raaton me
sahr ho runuma jaise kahin baaton hi baaton me
koi lipta hua ho jis tarah
sandal ki khushboo me
kahin pe titliyon ke rang tasweeren bana te hon
kahin pe jugnuon ki muthiyon me roshani khud ko chupati ho
kahin kaisa hi manzar ho
kahin kaisa hi mausam ho
tere saare hawalon ho
teri saari misalon ko
muhabbat yaad rakhti hai

aye mohabbat tere anjaam pe rona aaya
jaane kyun aaj tere naam pe rona aaya
yoon to har shaam ummeedon me guzar jaati thi
aaj kuch baat hai, jo shaam pe rona aaya
kabhi taqdir ka maatam, kabhi duniya ka gila
manzil-e-ishq me har qadam pe rona aaya
jab hua zikar zamaane me mohabbat ka
mujhko apne dil ki nakami pe rona aaya

[glow tcolor=red, fcolor=black, size=2, strength=1]TERA MILN KOYEE AABADI SAHI[/glow]

abb bhe lagta hai yahi
umr bechen guzer jayegee
badnaseebi koyee mosam nahi hotee ke guzer jaye koyee mudat mai
har khushi
aik naye dukh ke izafey ke siwa kuch be nahi
terey milney ki tarah
phool ke kilney ki tarah
roshni raat pakad latee hai
barishen aankh ko sehra mai badal detee haain
khushboo-yen chooney se dar lagta hai
khaab tho ujdey hooye shehr hoowa kartey hain
kaisey kehdoon,... inhen aankon mai basa-logi tho acha hoga
khudh meree ankon mai kya rang hai zardi ke siwa
dill pe girtee hoyee bey-noor tamanawo ki halat ki kasam
mai tho khud teree tarah
diil ke kurlatey hooye geet talak hoon mehdood
mai tho khud qedi hoon weerani ka
TERA MILNA KOYEE AAZADI SAHI
TERA MILNA KOYEE AABADI SAHI waqt ke veeraney mai
dill pe girtee hoyee beynoor tamanawo ki halat ki qasam
sukh ki ye ren guzer jayegee
ABB BHE LAGTA HAI YAHI
UMR BECHEN GUZER JAYEGEE

Din Bhi Woh Door Nahi
Jab Waqt Ki Chandni Balon Me Utar Aaye Gi
Chehray Per Patt Jharr Ka Mausam Ho Ga
Paaon Me Sadyon Ki Thakan Ho Gi
Hathon Me Yadon Ka Kafan Ho Ga
Kano Me Zehreeli Sargoshiyan Hon Gi
Honton Per Guzartay Lamhon Ki Pyas Ho Gi
Ankhon Me Sulagti Huwi Yaas Ho Gi
Dil Me Andekhay Zakhm Hon Gay
Jism Per Utarti Huwi Shaam Ho Gi
Is Waqt Lout Aana ......
Mai Nay Teri Rooh Say Mohabbat Ki Hay !

QUOTE

Originally posted by shy_grrl             aye mohabbat tere anjaam pe rona aaya jaane kyun aaj tere naam pe rona aaya yoon to har shaam ummeedon me guzar jaati thi aaj kuch baat hai, jo shaam pe rona aaya kabhi taqdir ka maatam, kabhi duniya ka gila manzil-e-ishq me har qadam pe rona aaya jab hua zikar zamaane me mohabbat ka mujhko apne dil ki nakami pe rona aaya

manzil-e-ishq me har GAAM pe rona aaya
good1

mujhe likhne ki khwahish hai
magar likha nahi jata
mere alfaz dil ki aahini deewar se sar phodte hain
aur unhen izhaar ka rasta nahi milta
meri aankhen jinhen dil me chupe jazbaat ko ashkon ki boli me
bata dene pe qudrat thi
woh ab kuch bhi nahi kahteen
mere yeh lab
jo dil ki unkahi baaton ko kahne se na darte the
woh lab kuch bhi nahi kahte
yeh meri ungliyan
dil me chupe jazbaat ko izhaar ka rasta dikhati theen
woh ab kuch bhi nahi likhteen
meri aankhen yeh lab yeh ungliyan mujh se yeh kahte hain
keh ab jazbaat ko izhaar ka rasta nahi dena
keh ye munhzoar hote hain
faqat raste ke milne se
imhen manzil talak jane ki haajat hi nahi rahti
naye raston pe jaate hain
nayi raahen banate hain
magar phir waapsi ke sab nishan yeh bhool jate hain
inhen rasta nahi dena
inhen tum dil me rahne do
wagarna khoon rulayenge inhen rasta nahi dena
inhen tum dil me rahne do
mujhe likhne ki khwahish hai
magar mai likh nahi sakta

kitna acha lagta hai
aik narm lehjay ko
dair tak yunhi sunna
usko jazb ker lena
apni har sama'at me
kitna acha lagta hai
sirf uskay chehray ko
dair tak yunhi takna
usko sabt ker lena
apni har basarat per
kitna achaa lagta hai
aik muskurahat se
chandni ko chun lena
koi khwab bun lena
kitna acha lagta hai
aik aisi hasti ko
jo ke saari dunya se
mukhtalif,anokhi ho
apnay naam karlena
kitna acha lagta hai!

well.......some thing tat wan to share...

zindagii jab bhii terii bazm main laatii hai hamain....
ye zamiin chaand se behatar nazar aatii hai hamain...

surKh phuulon se mahak uThatii hain dil kii raahain....
din Dhale yuun terii aavaaz bulaatii hai hamain...

yaad terii kabhii dastak kabhii saragoshii se....
raat ke pichhale pahar roz jagaatii hai hamain...

har mulaaqaat kaa anjaam judaaii kyuun hai...
ab to har vaqt yahii baat sataatii hai hamain...

najanay dil bhi kya shay hai
ke gar abad ho jae
to dunya ka herik mausam
bohat shadab lagta hai
hamari rooh bewajha
anokhi roshni se jagmagati hai
her ik manzar mukamal husn lagta hai
yun lagta hai ke ik pal mein
hai saari umr hi ji li
tamanna hi nahin hoti
ke dooji umr hum paein
najanay dil bhi kya shay hai
ke gar barbad ho jae
ta her mausam khizan ka aks lagta hai
her ik manzar tabah barbad lagta hai
hamari rooh bhi bujh ker
bohat gehray andheron mein
kahin per doob jati hai
aur hamein usko
andheron ki taraf se dubara roshni mein jagmaganay ke liye
ik doosri hi zindagi darkar hoti hai
jo qismat mein.......nahin hoti!

taree nazroon nay meray gird ik deewaar khenchee hai
mein us say bhaag ker jana bhee chahoon to kaheen ab nahin ja sakta
kay paroon say koi zangeer bay awaaz laptee hai
yeh woh dewaar hai jiss mein koi rozann nahi khulta
mein us meinn darr banata hoon to her ik khisht mera rasta rokay
maray kanoon mein ik purkaif see awaaz aatee hai
yahan say bhaag ker jaana ab aasaan nahin hai
mohabbat is qadar kamzor meri jaan nahi hai
teri aankhoon nay maray gird jo deewaar khenchee hai
mein uss ko torna chahoon to teeshaa sirr ko aata hai
meri saari tawanaee yahan naakaam hotee hai
yaheen ab subhaa hotee hai yaheen ab shaam hotee hai
teri aankhoon nay maray gird jo deewar khenchee hai
mujhay us say faraar ka aik bhi rastaa nahi milta
kay is deewar kay peechay bhee aik deewar hai

[glow tcolor=red, fcolor=black, size=2, strength=1]kal raat ki nazm[/glow]

chand madham hai aasman chup hai
neend ki god mai jahan chup hai
dour wadi mai doodiya badal
jukh ke parbat ko pyar kartey hian
diil mai nakam hasraten lekar
HUM TERA INTIZAR KARTEY HAIN
inn baharon ke saye mai aaja
pir mohabat jawan rahey na rahey
roz ki tarah aaj be tarey
subah ki gard mai na ko jayen
Aa terey gham mai jaagti aanken
kam se kam aik raat so jayen
CHAND MADHAM HAI AASMAN CHUP HAI

poet : sahir

Mae kiya likhoon kay jo mera tumhara rishta hai
Wo aashiqi ki zubaan main kahin bhi durj nahi
Likha gaya hai bohat lutf-e-wisl o durd-e-firaaq
Magr ye kayfiyut apni raqum nahi hai kahin
Ye apna ishq hum-aaghoosh jis main hijur-o-wisaal
Ye apna durd kay hai kub sey hum-dum maah-o-saal
Is ishq-e-khaas ko hur aik sey chupaaye howey
Guzur gaya hai zamana galey lagaaye howey

hammmmmmmmmm....................................
:sarc
dost kia khoob wafaoon kA sila datay hain
her nayay mor pe ek zakhum naya datay hain
tummse to khair gahre bahr ke mulaqat sahe
loog sadion ke rafaqat ko bohla datay hain
kesay momkin hai ke duaa bhi na ho aur dil bhi na jalay
chot parte hai to pathar bhi sada dataty hain
kon hota hai mosebat mein kese ka aa dost!
aag lagte hai to patay bhi hawa datay hain
jin pe dil ko hota hai bahrosa aye dost
waqat parnay per wohi loAg daga datay hain

hammmmmmmm.............................
:sarc
Us se poochna tu hai
Kia sila wafa-on ka
Hai yehi din aur raat
Us ko soochte rehna
Khud ko khoojhte rehna
Us se poochna tu hai
Kia yehi mohabbat hai
Us k hee khwaab-on se
Apni hee dua-on ko
Khud hee be-asar kurna
Khud hee be-samr kurna
Us se poochna tu hai
Zindagi yehi hai kia
Us ka saath ho aur bus
Durmiyaan koi na ho
Dil ho wahmon k beech
Raazdan koi na ho
Us se poochna tu hai
Us k baad bhe kaise
Din ye kion nikulta hai
Raat kyoon ye dhulti hai
Umer bhee tu jalti hai
Saans kaise chulti hai
Us se poochna tu hai
Khud bhee soochna tu hai

[img]http://www.speedis.org/images/263644.jpg[/img]

hammmmmmmmm..........................
:sarc
Issay kabhi na kabhi tu bichar jana tha
ye hadsa meri zindagi main ana tha
woh aik shaks mujhay sari umar tarsay ga
naseeb uskey kay usney mujhey ganwana tha

mai tanha tha
magar kal shab
meri aawargi achi lagi mujh ko0
mere hamrah thak ke saans leti
aik nadi achi lagi mujh ko
nadi ki mauj me chup chap
ghulti chandni achi lagi mujh ko
udasi oorhti shaakhon se lamhon ki tarah
jhadtey huwey pattey
shagoofon ki bujhi khushboo
hawa ki chaal aawara
fiza ka baanjhpan pahney huwe malboos-e-bekhwabi
gali kunchon me qaht-e-shor-e-dildaaran
sitaron ki qaba me tairgi ke besabab taanke
khala sunsaan
jaise maqtalon me naachtey
be-ant sannatey ki loh jhankey
barhana pair jaise astada patharon ka halqa-e- matan
mai tanha tha
magar kal shab
firaaq-e-yaar ki rut se gale milti khizan ki saadgi
achi
bahot achi lagi mujh ko

QUOTE

Originally posted by Sajjad khan             hammmmmmmmm.......................... :sarc   Issay kabhi na kabhi tu bichar jana tha ye hadsa meri zindagi main ana tha woh aik shaks mujhay sari umar tarsay ga naseeb uskey kay usney mujhey ganwana tha

this is beautiful sajjad:)

barishein barasnay ka
koi pal nahin hota
chand ke nikalnay ka
koi pal nahin hota
aur dil sanbhalnay mein
dair kitni lagti hai
tumko dekhlene se
aankh jitni roshan hai
itni roshni kab thee
tumko dekh lene se
zindagi jo jaagi hai
itna jaagti kab thee
neend apni ankhon se
itna bhagti kab thee
in katthin zamanon mein
jo khushi hui hasil
woh kabhi mili na thee
dekhnay se pehlay aur
tumko dekh lene par
zindagi haseen hai jo
iss qadar haseen kab thee!

TUMHARAY NAAM KE LAFZOO'N SE BEHTAR LAFZ DUNIYA MAI'N NAHI HAI
NA JANAY KUB SE YE MAUSUM
SITAROO'N KE TARHA'N
DHARTI KE SEENAY PER FIROZAA'N HAI
MUGAR IS KI NIGAHOO'N NE
TUMHARAY WASL KE LAMHOO'N SE BEHTAR WAQT
DEKHA HAI NA SOCHA HAI
HAWA NE MUNZAROO'N PE AAJ TUK
JO KUCH BHI LIK'KHA HAI
TUMHARAY NAAM LIK'KHA HAI
AASMAAN MAI'N TOOT'TAY TAARAY
TUMHARAY DARWAZAY SE GUZRAI'N
TO RUKNEY KO MUCHALTEY HAI'N
FALAK KO CHOOMTAY JAZBAY
TUMHARI ANKH SE UTRAI'N
TO PATAALOO'N MAI'N GIRTEY HAI'N
TUMHARAY KHUWAB SE ROSHAN NAZARAY
WAQT KE DARYA-E-BE-HUD MAI'N NAHI HAI'N
TUMHARAY NAAM KE LAFZOO'N SE BEHTAR LAFZ
DUNIYA MAI'N NAHI HAI'N

http://cupid.esmartweb.com/zaat.jpg

mere bay-khabar tujhay kiya pata
teri aarzuoon kay dosh per
teri kaifiyat kay jaam main
mai jo kitni sadyon say qaid hoon
tere naqsh mai tere naam main
mairay khuwaab meri kahaaniyaan
mere laikh ki yeh nishaaniyaan
teri chaah mai hay ruki huwi
kabhi aansuon ki qataar mai
kabhi patharon kay hisaar main
kabhi dasht-e-hijr ki raat main
kabhi bad-naseebi ki ghaat main
kai rang dhoop say jal gaye
kai chaand shaakh say dhal gaye
kai tan sulag kay pighal gaye
teri ulfaton kay qayaam main
teray dard kay der-o-baam mai
koi kab say sabt-e-saleeb hay
tujhay kiya khabar tujhay kiya pata…

QUOTE

Originally posted by Nightmare               mere bay-khabar tujhay kiya pata teri aarzuoon kay dosh per teri kaifiyat kay jaam main mai jo kitni sadyon say qaid hoon tere naqsh mai tere naam main mairay khuwaab meri kahaaniyaan mere laikh ki yeh nishaaniyaan teri chaah mai hay ruki huwi kabhi aansuon ki qataar mai kabhi patharon kay hisaar main kabhi dasht-e-hijr ki raat main kabhi bad-naseebi ki ghaat main kai rang dhoop say jal gaye kai chaand shaakh say dhal gaye kai tan sulag kay pighal gaye teri ulfaton kay qayaam main teray dard kay der-o-baam mai koi kab say sabt-e-saleeb hay tujhay kiya khabar tujhay kiya pata…

COMPLETE
[glow tcolor=red, fcolor=black, size=2, strength=1]MEREY KHAB MEREE KAHANIYAN[/glow]
[glow tcolor=red, fcolor=black, size=2, strength=1]MEREY BEY KHABR TUJEY KYA PATA[/glow]
mere bay-khabar tujhay kiya pata
teri aarzuoon kay dosh per
teri kaifiyat kay jaam main
mai jo kitni sadyon say qaid hoon
tere naqsh mai tere naam main
mairay khuwaab meri kahaaniyaan
MEREY ZAYECHEY MEREY RAASTEY
mere laikh ki yeh nishaaniyaan
teri chaah mai hay ruki huwi
kabhi aansuon ki qataar mai
kabhi patharon kay hisaar main
kabhi dasht-e-hijr ki raat main
kabhi bad-naseebi ki ghaat main
kai rang dhoop say jal gaye
kai chaand shaakh say dhal gaye
kai tan sulag kay pighal gaye
teri ulfaton kay qayaam main
teray dard kay der-o-baam mai
koi kab say sabt-e-saleeb hay
TEREE KAYENAAT KI RAAT MAI
TEREY AXXDAHAM KI SHAAM MAI
tujhay kiya khabar tujhay kiya pata…

MERAY MALIK-E-HAQIQI!
MERAY KHUDA!
MERAY IN JAZBOO'N KO
ANA KI DHOOP SE BACHANA
JIN KI TAKHLEEQ TU NE
KHUD APNAY MAUSUMOO'N KE RANGOO'N SE KI HAI
TU JANTA HAI KE RANGOO'N KO KUBHI KUBHI
DHOOP HALKA KAR DAITI HAI
AUR KUBHI KUBHI SATH HI LE JATI HAI

MERAY KHUDA!
MERAY JAZBOO'N KE RANGOO'N NE TO
TERI QUDRAT SE ZINDAGI PAYE HAI
IN PAR ANA KI DHOOP KA SAYA NA PA'DRNE DAINA
MAI'N TO BUS KHUD KO
ZUBT KE AKHRI DAUR
AUR SABR KI INTEHA TUK
PARAKHNA CHAHTA HOO'N

[img]http://www.speedis.org/images/276423.jpg[/img]

sarey iss khab se lagta hai mujey
hum mahalat mai ujdey hongey
shah-zari bhe koyee hogee
kaneezen be kaheen hongeen
jo abb be aksar
bujti rehti hai lahoo mai koyee sargoshi si
HIJR-ZADO KE NASEEBON KI TARAH

raat be beet gayee dukh ke kiwadon se parey
mai terey shair mai goom beta hoon
mai ke khud apney mukamal ander
aisey lagta hai ke "TUM" beta hoon

tumhari mohabbat k ma`amlay main.....

main lakhon aadmiyon say zayada
nider, dilair aur bahimmat hon
is k bawajood
tumhari mohabbat k ma`amlay main
mera dil
aik sehmay huey kamzor , ghamzada bachey ki manind hay

Ab tuk uterte hain wahaan khusboo ke qafle
Bhule se likh diya tha tera naam jis jaga

Mujhe tum yaad aate ho
Kisi sunsaan sapne mein chuppi khwahish ki hiddat mein
Kisi masroofeyyat ke maur per
Tanhaee ke sehraoon mein
Ya phir kisi anjaan bemaari ki shiddat mein

Mujhe tum yaad aate ho
Kisi bichre huwe ki chashm-e-purnam nazaare per
Kisi beete huwe din ki thakkan ki out se
Ya phir tumhare zikr mein guzri huwi shab ke ishare per
Kisi basti ki baa-raunaq sarak per
Aur kisi dareyaa, kisi weeraan jungle ke kinaare per

Mujhe tum yaad aate ho
Meri chup ke kunwain mein
Aarzooon ke badan jab tairte hain
Aur kinare se koi bolay
Tu lagta hai ajjal awaaz deti hai
Tumhari be-sabab door sulaghti hai
Ya phir jab meri aankhoon ke sehra mein
Tumhari yaad ki tasveer jalti hai, judaee haath malti hai
Mujhe tum yaad aate ho

Mujhe tum yaad aate ho
Muqaddar ke sitaroo per
Zamaano ke ishaaroo per
Udaasi ke kinaaroo per
Kabhi weeraan shehroon mein
Kabhi sunsaan rastoon per
Kabhi hairaan aankhoon mein
Kabhi be-jaan lamhoon per

Mujhe tum yaad aate ho
Suhaani shaam ho koi
Kaheen badnaam ho koi
Bhale gulfaam ho koi
Kisi ke naam ho koi

Mujhe tum yaad aate ho
Kaheen baarish baras jaaye
Kaheen sehra taras jaaye
Kaheen kaali ghatta utray
Kaheen baad-e-saba thehray
Tumhare aur mere darmeyaan aa kar Khuda thehray
Tau, meri zindagi ke awwal-o-aakhir
Tum us lamhay
Khuda ke baad aatay ho

Mujhe tum yaad aate ho...

well....nice one nightmare...

kahane ko bahut kuchh thaa magar kah nahin paaye...

samajhaa na meraa Gam koi is baat kaa Gam hai....
phir bhii mere dil kuchh to wafaaon kii kasam hai....
aankhon main hon aansuu bhii magar bah nahin paaye...

phuulon se chaman aasmaan taaron se bharaa hai.....
ummiid kaa daaman meraa yaadon se bharaa hai.....
qismat ne sitam aise kiye sah nahin paaye.....

[quote]Originally posted by KoiYaad


[quote]Originally posted by Cupid


i knew dat......i thought i wil ask u today that r u........?

[img]http://cupid.esmartweb.com/waq.jpg[/img][/quote]

Oh my God !!! cupid this is just too good for words *sobz*:sniff *sobz* :sniff this is just the type of poetry I absoluotly love !! thanks a million for posting it [/quote]
Can I read it too?

shab-e-tenhayi main sitaron ka labadah oarhay
teri yadon k jugnoo se chamaknay lagtay hain
aur dil pay chaa jata hay khud feraibi ka aisa aalam
k her teref teri aamed ka samaan hota hay
jaisay kisi awaaz k dhokay main koi murh k daikhay
jaisay sehra main serabon ka gumaan hota hay

shab-e-tenhayi main dil k naihan khanon per
guzeray lamhon ki shabnam si perhnay lagti hay
aur meray hawaas pay tu ho jati hay qabiz aisay
k nazer baisakheta nikaleti hay justeju main teri
jaisay chaand kisi ko dhoundnay k lye nikelta hay
jaisay koi bachcha kisi khilonay k liye mechalta hay

sheb-e-tenhaie main baichainion k alam main
dil apnay aap say hi bar bar ulajhta hay
aur azietain is terah ho jatien hain ghalib mujh per
k derd ka toufaan her rug main dorh jata hay
jaisay moajain sahilon ki hedain torh daitti hain
jaisay dhedkenain dilon ka sath choarh daitti hain

sheb-e-tenhaie main moasam teri rafaqet k
ghup andhairon main ujalay say bikhair daitay hain
ghum-e-firaq ki chader ko cheer daitay hain
aur dil aik lemhay ko ho jata hay shadaab aisay
jaisay chaand ka aqas kisi jheel main uter jata hay
jaisay koi soukha pairh sebz patton say bhar jata hay

[quote]Originally posted by sabahat


[quote]Originally posted by KoiYaad


[quote]Originally posted by Cupid


i knew dat......i thought i wil ask u today that r u........?

[img]http://cupid.esmartweb.com/waq.jpg[/img][/quote]

Oh my God !!! cupid this is just too good for words *sobz*:sniff *sobz* :sniff this is just the type of poetry I absoluotly love !! thanks a million for posting it [/quote]
Can I read it too?[/quote]
here it is..
[img]http://www.speedis.org/images/316201.jpg[/img]

can not see it

I see it. And its in Urdu too. Thanx. =)
Who's the poet though?

poet......SHafik

nice collection cupid:)

Wafa Kay Naam Pay Mitnay Key Abh Baatain Nahee Hootin
Jo Dil Ko Mooh Laitee Theen, Woh Ab Zaatain Nahee Hootin
Chali Yeh Kun See Bad-e-Mukhalif, Kiya Howa Ab Kay
Jinhain Hum Rut Jagay Kehtay Hain, Woh Ab Raatain Nahee Hootin
Na Juzba Hai Na Dil Apna Na Ahsaas-e-Murawat He
Jo Dil Ko Dil Say Hootin Thee, Woh Abh Rahatain Nahee Hootin
Kisse Kay rooth Janay Par, Kisse Ko Khoo Kay Panay Par
Bohat Hooti Theen Ashkoon Key woh Barsatain Nahee Hootin
Kabhi Hum Mill Kay Chuptay Thay, Kabhi Hum Chup Kay Miltay Thay
Milan To Ab Bhee Hoota Hai Mulaqatain Nahee Hootin

Aek khat bheega sa

YuN to tumhey har mosam meiN hum likhtey rahey heiN laakhoN khat
is baar magar saawan rut meiN jo khat hum tum ko likheiN ge
us khat ko ghaor sey parrhna tum
us khat ko ghaor sey parrhna ke usey tum sey bohat kuch kehna hey
har lafz kahey ga tum sey kuch, tum suntey rehna ghaor sey sab
ik baar parrh kar phir pharrna, phir deikhtey rehna ghaor sey tum
har lafz utthey ga kaagahz sey aur tum sey lipat kar ro dey ga
har harf chorr ke satroN ko baahoN meiN tumhaari simtey ga
tum merey khat ke lafzoN sey jab pyaar karo ge thorri deir
tab baat samajh meiN aey gi
un uljhey uljhey harfoN ko jab dil sey parrhna chaaho ge
tab baat samajh meiN aey gi
us geeley geeley kaaghaz ko jab aaNkhoN sey choo kar dekho ge
tab baat samajh meiN aey gi
tab baat samajh meiN aaey gi ke is khat ko kis ney bhigoya hey
saawan ki bholi baarish ney ya meri paagal aaNkhoN ney
wo aaNkheiN rasta taktey jo khud saawan saawan ho gaei heiN
ye khat unhoN ney bhigoya hey!!!

good one...