Mana Teri Nazar Mein Tera Pyaar Hum Nahi,
Kaise Kahen Ki Tere Talabgaar Hum Nahi,

Khud Ko Jala Ke Khak Kar Dala, Mita Diya,
Lo Ab Tumhari Raah Mein Dewaar Hum Nahi,

Jis Ko Sanwara Humne Tamannaon Ke Khoon Se,
Gulshan Mein Us Bahaar Ke Haqdaar Hum Nahi,

Dhokha Diya Hai Khud Ko Muhobbat Ke Naam Se,
Kaise Kahen Ki Tere Gunahgaar Hum Nahi.....

Tumhain janan ijazat hai koi bhi rasta chun lo
Hamaray muntazir thehro, ya hum ko alwida keh do
tumhain janan ijazat hai
Hamaray paoun main to waqt ki zanjeer lipti hai
Qabl is kay k thak jao hamaray sath chal k tum
Muhabat ki thaka,wat tum ko hum sai bad,guman kar daiy
Qabl is kay k har ik wapsi ki rah kho jaiy
Jo socha bhi nahi hum nai' wohi kal ko jo ho jaiy
Tumhain janan ijazat hai, koi bhi faisla kar lo
Hamaray muntazir thehro, ya hum ko alwida keh do
Hamara tum sai wada hai tumhari yaad ko hum to
Sada dil k dareechay main yunhi aabad rakhain gaiy
Tumhain hum yaad rakhain gaiy
Tumhain janan ijazat hai
Tum apnay hoslon main jab thaka,wat si
Kabhi pao
Kissi pyaaray sai mukhday ki haseen aankhon
Main kho jao
Ijazat hai tumhain janan agar us pal jo
Tum chaho
Koi bhi faisla kar lo
Hamaray muntazir thehro ya hum ko alwida keh do.

Is Tarah Us Se Guftugu Kerta
Aaeena Us Ke Rubaru Kerta...

Mujh Ko Apni Bhi Arzoo Na Rahi
Aur Kia Tark-E-Arzu Kerta...

Har Qadam Mein Ulajh Ker Kanton Se
Apne Daman Ko Kia Emin Rafu Kerta...

Mujh Ko Maloom Tha Woh Mera Nahin
Kis Liye Us Ki Justuju Kerta...

Haal-E-Dil Us Ko Mein Sunata "Abii"
Woh Agar Mujh Se Guftugu Kerta...

Jab koi pyaar se bulaye ga
Jab koi pyzar se bulaye ga
Tum ko aik shakhs yaad aayega

Lazzat-e-gham se aash\\“naa ho kar
Apne mehboob se juda ho kar

Dil kaheen jab saku\\“n na paaye ga
Tum ko aik shakhs yaad aayega


Tere lab pe naam hoga pyaar ka
Sham\\“a dekh kar jaley ga dil tera

Jab koi sitara timtimaye ga
Tumko aik shakhs yaad aaye ga

Jab koi pyaar se bulaye ga
Tum ko aik skhaks yaad aayega

Zindagi ke dard ko saho ge tum
Dil ka chaen dhoond\\“te raho ge tum

Zakhm-e-dil jab tumhey sataaye ga
Tum ko aik shakhs yaad aaye ga

Jab koi pyaar se bulaye ga
Tum ko aik shakhs yaad aayega

ab ke yun dil ko saza di humne
us ki har baat bhula di humne

ek, ek phool bohot yaad aya
shaak e gul jab wo jala di humne

aaj tak jis pe wo sharmate hain
baat wo kab ki bhula di humne

shahr e jahan raakh se abad hua
aag jab dil ki bhuja di humne

aaj phir yaad bohot aya wo
aaj phir us ko Dua di humne

koi to baat hai us mey Faiz
har khushi jis pe luta di humne.. (Faiz Ahmed Faiz)

Pehley Tere Wisaal Ne Gum Sum Rakha Mujhe
Phir Hijar Ke Sawaal Ne Gum Sum Rakha Mujhe...

Ik Umar Rakha Chand Ne Wehshat Mein Aur Phir
Ik Shakhs Ke Jamal Ne Gum Sum Rakha Mujhe...

Ik Umar Aaine Se Ulajhney Mein Kat Gayi
Phir Bujhtey Khud-O-Khaal Ne Gum Sum Rakha Mujhe...

Jab Mein Khula To Aap Hi Us Ka Jawab Tha
Ik Umar Jis Sawal Ne Gum Sum Rakha Mujhe...

Bikhri Padi Theen Chaar Soo Dunya Ki Raunaqen
Lekin Kisi Khayan Ne Gum Sum Rakha Mujhe...

Us Ki Judai Saniha Aisa Na Thi Magar
'Abii' Ye Kis Malal Ne Gum Sum Rakha Mujhe...

Suno uddasi shajar shajar k her aik patay pay likh rahi hai,
Judayon k payam saray
Jo bujh rahay hain umeed k woh chiragh saray
Jo na umeedi k jal utthay hain,
Woh naam saray
Tamam patay khazan raseeda sisak rahay hain
Fizaoon main bain jagtay hain
na mitnay wali thakan safer ki,
Bohat hee pur khar rastay hain
Abhi abhi tha lahoo ragon main,
Abhi bhi sirf chingaryan hain
Abhi to chehra gulab hota...Abhi to ankhon main khawab hota
Abhi to ek saath jeenay marnay k ehad bhi hain paday adhoray
Abhi to mehandi, gulab gajroon ko woh mehak bhi mili nahi hai
Abhi to kann kann yeh chodyoon ki bhi tum nay janaa ! suni nahi hai
Abhi say kasay yeh tum nay socha.................?
Kitab-e-hasti say aab judai ka baab kholein

Pyaas Lagna Thi Lagi,Sarshar Hona Tha Hoey
Hum Ko Bhi Garq-E-Sarab Dar Hona Tha Hoey...

Hum Teri Aahar Per Sarkon Pe Nikal Aaye To Kiya
Hum Ko To Ruswaa Sar-E-Bazar Hona Tha Hoey...

Tu Kahe To Apne Haathon Se Shae Rag Kaat Lein
Hum Ko Tere Haath Ki Talwar Hona Tha Hoey...

Har Qadam Jaari Thi Nadedah Saharon Ki Talash
Har Qadam Minnat Kash-E-Agiyar Hona Tha Hoey...

Aik Din 'Khalid' Humeinye Sawaang Bharna Tha Bhara
Jhoot Gharne The Gharey ,Fankaar Hona Tha Hoey...

Mooj mein samandar hai saheloon per kashtiyan
Mein bhunwar main Jane ka intizar kerta hoon.

Barf bare ho rahi hai aur dil sulagta hai
Aashiyan ke jalne ka intizar kerta hoon.

Doston ki chahat ka aur saber Kya dekhoon
Khud hee tut Jane ka initzar kerta hoon.

Her jagah tujhi ko sada dekhne ki aarzoo
Sath tere chalnay ka initizar kerta hoon.

Phool main meri pagan rate ka gharoonda hai
Bus khushi ke Milne ka initzar kerta hoon.

Mein aajiz hoon mager taariki mere sath
Ek deya jalnay ka initizar kerta hoon..........

aao ki jashn-e-marg-e-muhabbat manaaye.N ham

aatii nahii.n kahii.n se dil-e-zindaa kii sadaa
suune pa.De hai.n kuuchaa-o-baazaar ishq ke
hai shama-e-anjuman kaa nayaa husn-e-jaa.N gudaaz
shaayad nahii.n rahe vo patango.n ke val_vale
taazaa na rakh sakegii rivaayaat-e-dasht-o-dar
vo fitnaasar gaye jinhe.n kaa.NTe.n aziiz the

ab kuchh nahii.n to niind se aa.Nkhe.n jalaaye.N ham
aao ki jashn-e-marg-e-muhabbat manaaye.N ham

sochaa na thaa ki aayegaa ye din bhii phir kabhii
ik baar ham mile hai.n zaraa muskuraa to le.n
kyaa jaane ab na ulfat-e-deriinaa yaad aaye
is husn-e-iKhtiyaar pe aa.Nkhe.n jhukaa to le.n
barasaa labo.n se phuul terii umr ho daraaz
sanbhale hue to hai.n. par zaraa Dagamagaa to le.n

mujh say mukhlis tha na waqif meray jazbaat say tha
uss ka rishta to faqat apnay mufadat say tha
abb jo bichra hai to kiya roye judiye teray pay
yah andhesha to humian pehllay mullaqat say tha!!

yaar thaa gul_zaar thaa baad-e-sabaa thii mai.n na thaa
laayaq-e-paa-bos-e-jaa.N kyaa hinaa thii mai.n na thaa

haath kyo.n baa.Ndhe mere chhallaa agar chorii huaa
ye saraapaa shoKhii-e-rang-e-hinaa thii mai.n na thaa

mai.n ne puuchhaa kyaa huaa vo aap kaa husn-o-shabaab
ha.Ns ke bolaa vo sanam shaan-e-Khudaa thii mai.n na thaa

mai.n sisakataa rah gayaa aur mar gaye farahaad-o-qais
kyaa unhii.n dono.n ke hisse me.n qazaa thii mai.n na thaa

jiinaa azaab kyuuN hai ye kyaa ho gayaa mujhe
kis shaKhs kii lagii hai bhalaa bad-duaa mujhe

bananaa paDaa hai aap hii apanaa Khudaa mujhe
kis kufr kii milii hai bhalaa ye sazaa mujhe

ye kah ke main ne rakkhaa hai har aaiine kaa dil
agale janam men ruup milegaa nayaa mujhe

nikle the donon bhes badal kar to kyaa ajab
main DhuuNDhataa Khudaa ko phiraa aur Khudaa mujhe

tuu mutamaiin nahin to mujhe kab hai aitaraaz
miTTii ko phir se gooNdh merii, phir banaa mujhe

Meri mohabbatoon ka suboot maangnay...
Woh aa gaya mujh say mera wajood maangnay ...

kis tarah ka waada tha jo poora ker na saka...
main kuch bhi na day saka woh jab bhi aaya kuch maangnay

Is mein koi shikavaa na shikayat na gila hai
ye bhi koi Khat hai k mohabbat se bharaa hai

kyaa yaad dilaenge mujhe mere sitamgar
har naqsh-e-sitam Khud mere sine pe likha hai

mujh ko meri aavaaz sunaai nahin deti
kaisaa ye mere jism mein ik shor machaa hai

chehre mein hai aainaa k aainay mein chehra
maaluum nahin kaun kise dekh rahaa hai.....

titlion si ek larki
dheere se mere dil mey
aa ke jab wo utri
us se jab kaha mene
dil mey mere bas jao
utrey huey wo ye boli
yahan mey na bas paon gi
baasi hon ek aur nagar ki
usey ye kon batlaye
apne mehekte paron ke
sare ke sare rang
chor gai hai mere maan mey

Badal Gaye Mere Mausam To Yaar Ab Aaye Hain
Ghamon Ne Chaat Liya Gham-Ghusaar Ab Aaye Hain
Yeh Waqt Is Tarha Rone Ka To Nahi Lekin
Main Kya Karun Keh Mere Sogavaaar Ab Aaye Hain

Tujhe Ye Shoq Ke Mohabat Ki Bheek Mangoo Main
Meri Ye Zid Ke Taqaza Mera Asool Nahi

Puhanchay Jo Sar Arsh Tu Nadar Bohat Thay
Dunya Ki Mohabat Main Griftar Bohat Thay


Ghar Doob Gaya Aur Inhay Awaz Nahi Di
Halankay Meray Silsilay Uss Par Bohat Thay

Chaat Parnay Ka Waqat Aaya Tu Koi Nahi Aaya
Diwar Geranay Ko RazaKar Bohat Thay


Hanste Hui Ankhoon Ka Nagar Kehtay Rahay Ham
Jis Shahare Main Noo-hay Pas-say Dewar Bohat Thay


Ya Bay Rukhi Aik Rooz Tu Maqsoom Thi Apne
Hum Teri Tu-waja Kay Talab Gar Bohat Thay


Asa-aysh E Duniya Ka Fasoon Apne Jaga Hay
Us Sukh Mian Magar Rooh Kay Aazar Bohat Thay

Mujh mein khushbu basi usi ki hai,
Jesay yeh zindagi usi ki hai.

Woh kahein aas paas hai mojood,
Hu-ba-hu yeh hansi usi ki hai.

Khud mein apna dukha raha hoon dil,
Lekin is mein Khushi usi ki hai.

yaani koi kami nahi mujh mein,
Yaani mujh mein kami usi ki hai.

[font=Verdana][b]
Tumhein Bakh'shi hai dil pe Hukmarani Aur kya detay
Yehi thi bas hamaari Raajh'dhani aur kya detay

Woh hum se maangti thi umar ka ik Dil-nasheein hissa
Na detay usko hum apni jawaani aur kya detay

Sitaroon se kisi ki maang bharna ik fasaana hai
Tumharay naam likh di zindagani, aur kya detay

.................



Tujhay Khoo k soochti hoon meray daaman-e-talab mein
koi khwaab hai to kiyoun hai, koi aas hai to kiyoun hai

Mein ujarr k bhi hoon teri, tu bicharr k bhi hai mera
Yeh yaqeen hai to kiyoun hai, yeh qayaas hai to kiyoun hai


.................

Dushaman ko bhi seenay se lagana nahi bhooley
Hum apne buzurgon ka zamana nahi bhooley

Tum aankhon ki barsaat bachaye huwe rakhna
Kuch log abhi aag lagana nahi bhooley

Yeh baat alag, haath qalam ho gaye apne
Hum aapki tasweer banaana nahi bhooley

Ik umer huwi main tau hansi bhool chuka hoon
Tum ab bhi mere dil ko dukhana nahi bhooley!

Sahilon Sahilon Phira karte
zor chalta tu kia se kia karte

gar na hota makan matti ka
barishon ke lie dua karte

bas main hota tu khwab ki surat
teri aankhon main hum basa karte

hum ko likhne ka fan agar aata
hum tujhe chand sa likha karte

ban ke khushbo agar bikharna tha
tum hawa se tu mashwara karte

"Chashme Zahir" se dekhne wale
kion mere haq main faisla karte

--------------------------------------------------------------------------------

Tujh Se Mil Kar Bichad Gaye, Tujh Se Bichad Kar Mil Gaye
Aisi Bhi Qurbaten Raheen, Aise Bhi Faasle Rahe

Tu Bhi Na Mil Saka, Umar Bhi Raaigan Gai
Tujh Se To Khair Ishq Tha, Khud Se Bade Gile Rahe

Un bad-nasiboN ko kya khabar ke wafaa ke roz-e-jazaa meiN kya hey
Bhula chukay hain jo dil se apnay mohabaton ke nisaab saarey

koi jo poochey to kya bataaooN ke kehkashaaoN ke dikha ke manzar
koi meri qismat meiN likh gayaa hey shab-e-firaaq ke azaab saarey

meiN kin umeedoN ke waastey sey moj’zoN ki duaaeiN maaNgooN!
ke ban ke aaNsu beh gaey heiN meri nigaahoN sey khwaab saarey

meiN jis ke rastoN meiN gulsitaaN ki ronaqoN ko bicha raha tha
wo meri raahoN ko de gaya hey taptey sehra ke saraab saarey

rangat us ki urri hui thi, nigaheiN us ki jhuki hui theeN
merey ik sawaal ka poochna tha ke bhool gaya wo jawaab sarey

Aye Khuda Jo bhi mujhay Pind-e-shikay-bai day
Uss ki ankhoon ko mery dard ki gehraai day

Itna bay-sarfa to na jaye meray ghar ka Jalna
Chashm-e-Giryaan na sahi, Chashm-e-tamashaai day

Teray logoon se gila hai meray aainoon ko
In ko pathar nahi deta to beenai day

Na-janay kon si wazaa' ka bismil hai FARAZ
Yeh to qatil ko bhi ilzaam-e-maseehai day

Hum Dasht ke basi hamein wirsay mein mili hai
Yeh ruuh piyasi hamein wirsay mein mili hai

Dukh dard se sadiyon ka ta’aluq hai hamara
Ankhoon ki udaasi hamein wirsay mein mili hai






VERY NICE POST SAHIL, KIYA YEH AAP KI APNI LIKHI HUI HAI...? AGAR NAHI TO POET KA NAAM BATA DEIN.....

salam.

sorry yaar i don,t know abt poet.

Kissee kay waaday pay kyun aitebaar hum nay kiya,
Na aa'nay walon ka kyun intezaar hum nay kiya

Na woh humaray hu'ay, aur na hum apnay rahay
Mohabaton ka ajab karobaar hum nay kiya.

Woh khel khel rahay thay, woh khel khel chukay,
Khata humaree thee, kyun unn say pyar hum nay kiya.

^ AWESOME!

bichRay tu qurbatooN ke dua bhi na kar sakaY
ab k tujhaY sapurd-e-khuda bhi na kar sakaY

taqseem ho k rah gaye suu kirchioN maiN hum
naam-e-wafa ka qaraZ adaa bhi na kaR sakaY

nazak mizaj log thaY hum jaisaY aa'eNA
tootaY kuch is tarha k sada bhi na kaR sakaY

khush be na rakh sakaY tujhaY hum apni chah maiN
achi tarha se tuj ko khafa bhi na kar sakaY

hum muntizaR rahaY koi mashQ-e-sitam tu ho
tum maslihat shinaas, jafaa bhi na kaR sakaY

Teray waadoon pe kab tak mera dil faraib khaye ga
Koi esa wada kar k meri aas toot jaye

......................................................
Here Guys, One of my super Favs. :
......................................................'

Tumhein Jab kabhi milein Fursatein Meray dil se boojh utaar do
Mein buhat dino se udaas hoon mujhay koi shaam udhaar do

Mujhay apnay roop ki dhoop do, k chamak sakein meray khaal-o-khad
Mujhay apnay rang mein rang lo, mera saara zang utaar do

Meri weh'shatoon ko berr'ha dia hai Judaiy'on k azaab nay
Meray dil pe haath rakho zara, meri dharrkano'n ko qaraar do

Kisi aur ko meray haal se na gharaz hai na koi waasta
Mein bikhar gaya hoo'n samait lo, Mein bigarr gaya hoon sanwaar do

Tumhein Sub'ha kesi lagi kaho, meray khwahishoo'n k dayaar ki
Jo bhali lagi to yahein raho, isay chah'too'n se nikhaar do

Woh be-wafa kahe mujhe jis se wafa karoon,
Main badnaseeb apne muqaddar ka kya karoon.

Us Ne Apna Bana Ke Chod Diya
Kya Aseeri Hai Kya Rihaai Hai

na sama'tooN maiN tapash ghulaY na nazaR ko waqf-e-azab kaR
jo sunaie daY usaY chup sikha jo dekhie day usaY khawab kaR

abhi muntashiR na ho ajnabi na visal-e-rut k kaRam jataa
jo teRi talash maiN ghum huwaY kabhi un dino ka hisaab kaR

meRay sabaR peR koi ajaR kia meRi dopahaR pe ye abaR keoN?
mujhaY Oo'ranY daY ye azee'aateiN meRi adtaiN na khaRab kaR

ye hajoom-e-shahaR sitam gara'N na sunay gha teRi sada kabhi
meRi hasratooN ko sukhaN suna meRi khwa'heshoN se khitaab kaR

ye jaloos-e-fasl-e-bahaR hai tahee dast yaaR saja isaY
koi ashaak phiR se sharaR bana koi zakham phiR se gulaab kaR

Great post, Sahil... Wonderfull





Har shamma bujhi rafta rafta, Har khwaab luta dheeray dheeray
Sheesha na sahi pathar bhi na tha dil,Toot gaya dheeray dheeray

Barson main marasim bantay hain,Lamhon main bhala kia tootainge
Tu mujhse bicharna chahye toh,Deewar utha dheeray dheeray

Ehsaas hua barbaadi ka jab,Saray ghar main dhool urri
Aai hai hamaray ghar main,Pathjhar ki hawa dheeray dheeray

Woh haath paraaye ho bhi gaye,Ab duur ka rishta hai "Qaiser"
Aati hai meri tanhayee main,Khushboo-e-Hina dheeray dheeray

maiN udaas rastaa hooN shaam ka teRi aa'htooN ki talash hai
ye sitaraY sab haiN bujhaY bujhaY mujhaY jugnoo'N ki talash hai

zaRa sair karnay ko aiye haiN hamiN aur kuch nahi cha'hiye
wo haiN door kaanteY leye huwye jinhaiN machlioo'N ki talash hai

wo jo aik darya tha aag ka sabhi rastooN se guzar gay'aa
tumhiN kab se rait k shahar maiN na'ee barishooN ki talash hai

meray dostooN ne sikha dee'ya mujhay apni jaaN se khelna
meri zindghi tujhay kia kahbar mujhay qaatilooN ki talash hia

mujhay hayratooN se hai wasta meray dil ka qisa ajeeb hai
jo visaal ruut maiN bichar gaya wo tu jaaN se bhi qareeb hai

mujhay hosh tha tu khbar na thi maiN jano'N maiN tha tu pata chala
wo jo meray dil ka makeeN hai wohi jism-o-jaaN ka haseeb hai

tujhay janta bhi nahi koi mera haraf haraf hai mu'etbaR
tujhay zar mila mujhay shuhratiN ye bhi apna apna naseeb haiN

mujhay kon tuj se raha'ee day mujhay apna ap dekha'ee day
meray dil maiN ab bhi ghari huiwe teri arzoo ki saleeb hai

maiN mohbatooN ka safeer hooN mera kaam khushbo bakhairna
nahi is se koi bhi muamla k WO door hai ya qareeb hai

mujhay zindghi maiN sakooN milay yehi arzoo hai meray Khuda
mujhay teeragi se najat day k tu roshni ka naQeeb hai

meri daastan-e-hayaat ki ye tehreer to ik aesa bayaaN hey
jisey koi dil sey na sun saka jisey parrh saki na nazar koi

sar-e-bazm saarey dostoN ne meri aap-beeti suni magar
koi dil ka aalam na samajh saka go gham-zada tha har koi

tera shab-o-roz ka intizaar meri nazar sey sab kuch le urra
merey ratjagoN ke naseeb meiN ab tak nahi hey sahar koi

merey hosley bhi thak gaey ke meri rah-guzar sey bani nahi
jab raastey hoN na-meharbaaN to kya karey phir safar koi

do chaar saaNseiN aaj bhi merey paas heiN tu bhi paas aa
teri nigaahoN ki talkhiyoN meiN gar bach gayaa hey zehar koi

ye to mohabbatoN ki maang thi jo tujhey zindagi ka laqab diya
is sodey ke aevaz sanam meiN ney kab maaNga tha samar koi

tu kis leeye hey gham’zada ke ye teri hi zid thi aey hum’nawa
k kisi ki aaNkheiN nam na hoN chahey mar bhi jaey agar koi

mayray shumaray ki her mohabat,Kasam hay tum ko ... ab daan ker do...
main hoon adhora, hon na mukamal ... mujhay samaytoo, ehsaan ker do...

bohot hi jelti hain mayri ankhain...sulaghti hain yeh hazaar din say...
inhain do thundak,inhain do sapnay...woh khab do kay hayraan ker do...

nahee hay geRhti, nahi hay ben-ti, koee gaazal... koi shairi bhi....
tum mayri sari kahanioN main ... mohabaatoN ko , unwaan ker do...

khyaloN main ik mehekta insaN , tumaray jaysa hay , tum nahi ho...
tum apni sochoN kay dairo ko khud mayray dil maiN Mehman ker do...

bohot khaber hay, bohot fikar hay...mujhay zamanay ki khawahishon ki...
aseer ker lo , mujhay tum apna ... zamany bher say , unjan ker do...

mayri husi khokheli hay kitni, bayrung hay yeh ... hay phiki phiki...
tum mayray khaali say kehkehon main ik Taazgee ka toofaan ker do...

baybes cee Aahhhh`ain ... dheemi cee dherkan, bayjaaN roh hay....
tum mayray jeenay k baqi din main , tamam khusiaan Saman ker do...

baynor duniya,bayreng mosam...kion main hi daykhoN, kion main hi paon??
tum mayray charoN traf hi rengoN ka, MosamooN ka, JahaN ker do....

Aur ahista kejiye baatien
dharknen koi sun raha hoga
lafz girne na payen honton se
waqt ke haath dil ko chun leingey
kaan rakhte hein ye dero dewaar
raaz ki sare baat sun leingey
aur ahista kejiye baatien

aaiye band kerlien derwaze
raat sapne chura na lejaye
koi jhonka hawa ka awara
dil ki baton ko ura na lejiye
na le jaye

Aaj itne kareeb ajao
dorion ka koi nishan na rahe
apne charon taraf ki ye dunya
sans ka shor bhi na sun paye
na sun paye
aur ahista kejiye batien





Aur ahista kejiye baatien
dharknen koi sun raha hoga
lafz girne na payen honton se
waqt ke haath dil ko chun leingey
kaan rakhte hein ye dero dewaar
raaz ki sare baat sun leingey
aur ahista kejiye baatien
--- For mera para sha bacha

Ghazal by Panjak Udhas. Meri pehli

^lol. i was jst listening to this song right now..
n came here n read it ... nice!

Ha Jo Jafa bhi apne ki Kaidey se Ki
Ha Hum hi kaar bandey Asoole Wafa Na They

Udaas Kaaghazii Mausam Men Rang-O-Buu Rakh De
Har Ek Phuul Ke Lab Pe Meraa Lahuu Rakh De

Zubaan-E-Gul Se Chattaanen Taraashne Vaale
Sukuut-E-Naqsh Men Aaraaish-E-Namuu Rakh De

GiraaN Lage Hai Jo Ehsaan Dast-E-Qaatil Kaa
UTh Aur Tegh Ke Lab Pe Rag-E-Guluu Rakh De

Chalaa Hai Jaanib-E-MaiKhaanaa Aaj Phir Vaaiz
Kahiin Na Jaam Pe Lab Apane Ba Vazuu Rakh De

Khudaa Kare Meraa Munsif Sazaa Sunaane Men
Meraa Hii Sar Mere Qaatil Ke Ruu-Ba-Ruu Rakh De

Samandaron Ne Bulaayaa Hai Tujh Ko Aye 'Bekal'
Tuu Apanii Pyaas Kii Sehraa Men Aabaruu Rakh De

Usse Main Nay Hi bola Tha
K Meri Raah Tum takna
Main Us Mosam Main Aa,on Ga
Baharain Rooth Jain Gi
Hawaaian Khushk Ho Kar
Dard K Qissay Sunain Gi

Usse Main Nay Hi Bola Tha
K Mera Intezaar Karna
Main Us Mosam Main Aa,on Ga
Nahi Jab Gull Kahin Khiltay
Aur Uss Mosam K bichday
Phirr Kabhi Wapas nahi miltay

Usse Main Hi Bola Tha
K Raahon Par Nazar Rakhna
Main Us Mosam Main Aa,on Ga
Main December Main Aa,on Ga
Main Sab Waday Niba,on Ga
Bahrain Lay Kar Aa,on Ga
Tumhaari Aankh Ki Barsaat
Main Khud Bheeg ja,on Ga
Magar Tum Intezaar Karna
December Tak Meri Rehna,

Magar,..............................
Main Wapas Laut Bhi Jata
Wo Intezaar To Karta??????
Wo Meri Raah To Takta?????

Main Wapas Laut bhi Jata?????

^wow bohat khoob



na shikaayate.n na gilaa kare
ko_ii aisaa shaKhs huaa kare
jo mere liye hii sajaa kare
mujh hii se baate.n kiyaa kar

kabhii roye jaaye vo bepanaah
kabhii betahaashaa udaas ho
kabhii chupake chupake dabe qadam
mere piichhe aa kar ha.Nsaa kar

merii qurbate.n merii chaahate.n
ko_ii yaad kare qadam qadam
mai.n taviil safar me.n huu.N agar
merii vaapasii kii duaa kare

Jaage Huye Mile HaiN, Kabhi So Rahe HaiN Hum
Mausam Badal Rahe HaiN Basar Ho Rahe HaiN Hum

Baithe Hain DostoN Mein Zaroori HaiN Qehqahe
Sab Ko Hansa Rahe HaiN Magar Ro Rahe HaiN Hum

AankheiN KahiN, Nigaah KahiN, Dast-O-Pa kahiN
Kis Se KaheiN Ke Dhoondo Bahut Kho Rahe HaiN Hum

Har Subha Phaink Jati Hai Bistar Pe Koi Jism
Ye Kaun Mar Raha Hai, Kise Ro Rahe HaiN Hum

Shayad Kabhi UjaloN Ke Oonche Darakht HoN
SadiyoN Se AansuoN Ki Fasal Bo Rahe HaiN Hum

Main Umr K Rastey Mein Chup Chaap Bikhar Jaataa
Ek Din Bhi Agar Apni Tanhaaii Se Dar Jaataa

Main Tark E Ta'alluq Par Zinda Huun So Mujrim Huun
Kaash Uss K Leye Jiitaa, Apney Leye Mar Jaataa

Uss Raat Koii Khushbu Qurbat Mein Naheen Jaagi
Main Varnaa Sanvar Jaataa,Aur Voh Bhi Nikhar Jaataa

Uss Jaan-E-Takallum Ko Tum Mujh Se Tou Milvatey
Taskheer Na Kar Paataa, Hairaan Tou Kar Jaataa

Kal Saamney Manzil Thii, Peechhey Meri Aavaazain
Chaltaa Tou Bichhar Jaataa,Ruktaa Tou Safar Jaataa

MaiN Shehr Ki Rounaq Mein, Gum Ho K Bohot Khush Thaa
Ik Shaam Bachaa Laitaa, Ik Roz Tou Ghhar Jaataa

Mehroom Fazaaoun Mein,Mayuus Nazaron Mein
Tum AZM Naheen Tehrey, Main Kaise Tehar Jaataa

che watan matam matam vi
aw pa har yo kor k ghum vi
che barood vi da asmaaNa
aw da zmake lande bum vi
che pa shoondo bas jarra vi
starge hum dake da num vi
che guloono pa mosam ke
da golo dazo mosam vi
bajawar waziristan ke
hum pa swat k moharam vi
no za ba dasey akhtar sa km
che bachi mai qatal kegi
mor aw plar mai jobal kegi
sar sajde la che teetegi
pa bumoona ra-waregi
raba kala ba sahar shi
che zama ghareeb akhtar shi

salam cupid where you been for so long welcome back.

salam, thank u insha ji,..bas yar, studies,..ap sunawo kya ho raha hai:)

bus yaar kaam kaaj or yahan wahan tum sunao sub set hey.