dare lag raha hai itney arsey baad kuch post kartey huuye..dil zor zor se dhadak raha hai..

lolz
bhai jaan bohat arsay say achee shairi nahin parhee we miss ur posts so please do it

v well cupid bhai nice one:)

wow ... what a deep thought... Pehla kinaara
Weldon cupid...

Yehi Wafaa ka silaah hai, to koi baat nahi
Yeh dard tum ne diya hai, to koi baat nahi
Yehi bohot hai ke tum dekhte ho sahil se
Safeena doob raha hai, to koi baat nahi
Rakha tha aashiyana-e-dil main choopa keh tumko
Woh ghar tum nay chorr diya hai to koi baat nahi
Tum hi ne aayena-e-dil mera banaya tha
Tum hi ne torr diya hai to koi baat nahi
Kisay majaal kahay koi mujh ko deewana
Agar yeh tumne kaha hai to koi baat nahi

Main bola mujh se baat karo, wo bola paagal awaara
phir main ne khud ko der talak, khud likha paagal awaara

tum nay kesa yeah rabta rakha
na milay ho na faasla rakha

nahi chaha kissi ko teray siwa
to nay hum ko bhi parsa rakha

phool khiltay hi khil gain ankhain
kiss nay khoosboo main saneha rakha

to na ruswa ho is liya hum nay
apni chahat pa daira rakha

jhoot boola to umer bhar boola
tum nay us main bhi zabta rakha

koi daikhay yeah saadgi apni
phool yadon ka aik saja rakha

saad uljha raha magar is nay
tujh say milnay ka raasta rakha

ab aur kya kisi sey maraasim barhaaien hum
yeh bhi bohat hai ke tujhey bhool jayein hum

sehra-e-zindagi mein koi doosra na tha
itna na yaad aa key tujhey bhool jayein hum

tu itni dilzada to na thi shab-e-faraaq
aa teray raastay mein sitaaray lutayein hum

woh log ab kahan hain jo kehtey they faraz
haye haye khuda na karey tujhey bhi rulayein hum

``ab na vo shor na vo shor machane vaale
Khaak se baith gaye Khaak uraane vaale

ye alag baat muyassar lab-e-goyaa na huaa
dil main vo dhuum ki sunate hain zamaane vaale

dil sa vahashi kabhi qabu main na aya yaaro
haar kar baith gaye jaal bichhane vaale

terii qurbat main guzare howe kuch lamhe hain
dil ko tanahaaii kaa ehasaas dilaane vaale

SUKOON AAMADA KAB TAK DIL RAHAY GA
KABHI TO SHOR-E-DARYA SAY UTHAY GA

GAY DIN LOT BHI AAIN TO HAASIL?
YAHI HO GA KAY PHIR JEENA PARAY GA

BHARI RUT MAIN BICHAR JAAIN TO ACHA
NAHI TO AIK KHADSHA SA RAHAY GA

TUMHAIN SAB LOG ACHA KEH RAHAY HAIN
HAMAIN BHI KOI TO ACHA KAHAY GA

CHALO HAM HE GHAM-E-HIJRAAN UTHA LAIN
KOI TO DARD-E-MEHJORI SAHAY GA

DILON KAY ZAKHAM SI LAIN BHI LAIN TO KIA
YAI KHOON AANKHON K RASTA SAY BHAY GA

amal se bhi maanga wafa se bhi manga
tujhe hum ne teri raza se bhi manga
jub kuch na mila tou dua se bhi manga
qasam hai Khuda ki Khuda se bhi manga

Dil ko samander, piar ko lehrain kehta hoon
Milna behter, judai ko behtareen kehta hoon
Ashk-baar aankhain, Sougwaar yaadoon kay saath
Dil pur-malal ho to, chehray per khushi rakho kehta hoon
Phool guldaan mai taaza achay lagtay hain
Aur dil kay zakhm haray achay, kehta hoon
Beech samandar kay yaar ka sahaara he bohat
Na-mukammal zindagi say mukammal maut achi hai, kehta hoon
Bay-wafaaon ki khatir baar baar maray hain
Raahi Ik wafa ki khatir mer ker dekhaiyay kehta hoon
Yahi kahani baar baar suni hai akheer tak
Ab aap kay samnay ik naya qissa kehta hoon

Aansu jo beh rahe hain inhein behne do
Yeh keh rahe hain dil ki baat, kehne do

Buhat bawafa ho tum, yeh ham ko hai malo0om
Tum apni wafa ki baat, apne tak hi rehne do

Mila tou kia mila tumhen chahne ke baad
Bas dukh hi seh rahen hain, humen sehne do

Tumne tou keh dala sab haal-e-dil apna
Ab mujh ko apni daastaan bhi kehne do

Mar hi gaye auron ke liye hum
Tum apni khatir hum ko zinda rehne do

Bhooli-bisri baato me hum
Kho jate ro jate hai,
Tasveer teri banti hai DIL me
Hum paagal ho jate hai..

Hawa k sang fir yaad teri aayi
Aur zuban pe khuda se mere
Fariyaad teri laayi,
Tujhse milne ko fir armaan hua
Baichen hua DIL fir se mera
Fir nadaan hua,
Tu aayega tere intzaar me
Hum aankh khuli rakh so jate hai,
Bhooli-bisri baato me hum
Kho jate ro jate hai..

aaj rothe hue sajan ko bohat yaad kia
apne ujre hue gulshan ko bohat yaad kia

jab kabhi gardish -e- takdeer ne ghaira hai humen
gaisu -e- yaar ke uljhan ko bohat yaad kia

shamaa ki jaut par jalte hue parwanon ne
ek tere shola -e- daman ko bohat yaad kia

jis ke maathe per nayee subeh ka jho0omar ho ga
humne us waqt ki dulhan ko bohat yaad kia

aaj to0ote hue sapnon ki bohat yaad ayee
aaj behte hue sawan ko bohat yaad kia

Kisi ki bewafai bais-e-herat nahiN hoti
Zara sa dil to dukhta he magar shidat nahiN hoti

Bohat khud ko jalata hooN ye barsoN ki riazat he
Mire andar ki lekin door ye zulmat nahiN hoti

Ye dukh he ke kisi ne bhi hamiN dil se nahiN chaha
Zara sa piyar mil jata to ye halat nahiN hoti

Zamin-o-aasmaaN maiN ik tauluk to he sadyooN se
magar peda kahiN bhi rabt ki soorat nahiN hoti

Ajab hi falsfa he ye ameeri aur gharibi ka
ke umraiN sarf ho jati haiN kam ghurbat nahiN hoti

Bohat se khoob chehray haiN bohat si dilruba nazraiN
Tire hone se hoti thi jo kefi^at nahiN hoti

Hawala jab talak tera na aa jaye kahiN in maiN
mire sheroN maiN peda tab talak jiddat nahiN hoti

Tire gumnaam mer janay maiN Mohsin kya buraie he
ke her insaan ki kismat maiN to shohrat nahiN hoti

aa.Nkh se aa.Nkh milaa baat banaataa kyuu.N hai
tu agar mujhase Khafaa hai to chhupaataa kyuu.N hai


Gair lagataa hai na apano.n kii tarah milataa hai
tu zamaane kii tarah mujhako sataataa kyuu.N hai


vaqt ke saath haalaat badal jaate hai.n
ye haqiiqat hai magar mujhako sunaataa kyuu.N hai


ek muddat se jahaa.N kaafile guzare hii nahii.n
aisii raaho.n pe charaaGo.n ko jalaataa kyuu.N hai

Woh diyaa jis sey mere qalb-o-nazar roshan they
main ney jab haath lagaaya to jale haath mere

ghar kii takhtii koii parhta hii nahiin kyaa kiije
koi ho jo ki mujhe shahar mein rusavaa kar de

mujhe ye dukh ki ye lazzat terii qismat mein nahiin
aur tu khush ki kisii saanp ne kaataa na tujhe

terii qismat terii haathoon kii lakiiroon mein nahiin
dhuundh kar laa wo sitaaraa ki jabiin par chamake

dekhane kuchh na diyaa dasht ke aage kyaa hai
ban gaye raah kii diivaar musaafir kitane

vaadii-e-marg hai ye shahar jo din ko Khush thaa
aap shab-khuun kii tamannaa mein kahaan aa pahunche

mere haathoon se rukaa sail-e-havaa kaa relaa
sang huun yaa ki main aahan huun mujhe sochaney de

Yadoun kay deep jo jela jatey hain
Wo janey waley kia laut key bhee aatey hain?

Na hotey hoye kisee rishtey kay bhee
Ek unjaan Bendhan say henstoun ko rula jatay hain.

Ishq chourta nahee kisee kam ka, pher bhee najaney kyon,
Chaheny waley dou jism tou ek jaan ho jatey hain.

Ghem chupaney key kousesh tou bahut kertey hain hum laeken,
Ziker un ka chernay per, aansoo jo roudaad suna jatay hain.

Kab tek jekrain gee yeh khandan-o-nesal key zengeerain ?
Baat berhaney ko tou risthey insaneyat kay he kafee ho jatay hain.

Keb say guzaar rahain hain gin gin her ek lemha,
sunah hay apney kouchey key teraf aaj mehboob aatey hain.

Furset naseeb hotee hay bamuradoun ko KHAKI
Yeh bewafa, yadain he itnee chour jatey hain.

Kachi deewar hoon thokar na lagana mujko

"Kachi deewar hoon thokar na lagana mujko,
Apni nazron mein basa kar na giraana mujko



Tumko aankho mein tasavur ki tarah rakhta hoon,
Dil mein dadkan ki tarah tum bhi basana mujko



Baat karnay mein jo mushkil ho tumhay mehfil mein,
Main samajh jaaonga nazron say bataana mujko


Vaada utna hi karo jitna nibha saktay ho,
Khawab poora jo na ho woh na dikhana mujko
,

Apnay rishtay ki nazaakat ka baram rakh lena,
Main to aashiq hoon deewana na banana mujko



Kachi deewar hoon thokar na lagana mujko,
Apni nazron mein basa kar na giraana mujko

hey if im not mistaken this topic was meant to be for "poems" only and i can clearly see the difference b/w ghazals and poems
like a poem should look like this

aj uss ne mizaj poocha tha
ji mein aya isqadar ke keh doon
ap ki be-e’itenaiyon ke sabab
zindagi mot se bhi bad-tar hai
par nahin-kuch nahi kaha mein ne
woh narm dil ka malik hai
bat sunta udas ho jata
han magar issqadar kaha mein ne
haal pehle se kuch tou behter hai

keep posting and enjoy

moonlite_yusi yeah u are right paar yahan sab chalta hai........lee jiya ak poem


Udaas Shameen, Ujrey Rastey, Kabhi Bulain
To Lout Aana
Kisi Ki Ankhon Main Rangoon K Azab Aen
To Lout Aana
Abhi Nai Vadiyan Naey Nazaron Main Reh Lo
Mager Meri Jaan...!!!
Yeh Sarey Aik Aik Kar K Jab Tumhin Chor Jain
To Lout Aana
Jo Shaam Dhaltey Hi Apni Apni
Panah Gahon Ko Loutay Hain
Ager Woh Panchi Kabhi
Dastaan Sunain
To Lout Aana
Naye Zamano Ka Qarb Orrey
Zaief Lamhey, Nidhaal Yaadien
Tumharey Khaboon K Band Kamrey
Main Ager Jo Aaen
To Lout Aana
Ager Andheron Main Chor Ker Tum Ko
Bhool Jain Tumharey Saathi
Aur Apni Khatir Hi Apny Apny Diyey Jalen
To Lout Aana
Meri Woh Batin Jin Pay Beikhtiar
Tum Hanstey Thay Khilkhila Ker
Bicharny Waley Meri Woh Batin Kabhi
Tum Ko Rullaen
To Lout Aana
Bicher Kay Mujh sey Arien
Kabhi Udaas Ho To Lout Aana
AkelayPan Ki Udaas Raatin
Na Kut Saken To Lout Aana
Parraye Logon Main Kon Tum Ko
Siwaye Meray Manna Sakey Ga
Kissi se Yun Mazaq Ya Jhagrey
Main Routh Jao,
To Lout Aana

aaj uski nazron ne mujhse baat ki
magar woh chup rahi
main dekhta raha uska chehra
parhta raha uski nazron ko
magar khud woh chup rahi
maine ki ussey hazaron baatein
magar woh chup rahi
woh sunati rahi mujhsey duniya key kissey
magar apni baat par chup rahi
humney sajaye the ankoon khawaab zindagi ke liye
jab un khawaabon ki tabeer poochi
to woh chup rahi
uske dil ki baat sun-ney ko tha main bekraar
magar woh zalim chup rahi
hum yuhi dheere juda ho gaye
usne kuch bhi na kiya milne ka jattan
aur bas chup rahi
aaj jab bhi aati hai mujhe uski yaad
to soch kar hairaan hota hun
kyun woh har jagah, har baat par chup rahi

Hum Dohri Azeeyat Kay Giriftar Musafir
Paoon Bhi Shal Shooq-e-safar Bhi Nahin Jata
Dil Ko Teari Chahat Pay Bharoosa Bhi Bohoot Hay
Or Tum Say Bicharnay Ka Dar Bhi Nahin Jata

Dehleez-e-samaat pe kisi waday ki aahat
Utray na utray
Aae ranj bhari shaam
Dukhtay hooay dil pe
Koi aahista say aakar
Ik hurf-e-tasallee rakhe phool ki manind

poora dhukh or aadha chand
hijer ki shab or ayesa chand
yadoon ki aabad gali main
ghoom raha hai tanha chand...
jab pani main cehra daikha
tu na kis ko socha chand....!
bergad ki ik shaakh hata ker
jane kis ko jhanka chand.....
raat ka shanoo pa ser rakhe
daikh raha hai sapna chand...
sookha patoon ka juhrmat per
sabnum thi ya nanha chand...
haat hila ker ruksat hooga
us ki soorat hijer ka chand
sehra sehra bhatak raha hai
apne ishaq main sacha chand..
maira moon ko kis hairat sa
daikha raha hai bhoola chand
itne ghane badel ka peeche
kitna tanha hooga chand....
meri kerwat pa jaag uthe
neend ka kitna kacha chand
raat ka sayad aik baja hai
soota hoo ga maira chand

phira hon mien saray zamanay mein dar badar kaisa
mein tere baad bhi zinda raha magar kaisa

wo janta tha ke kuch roz wo nahi tha to mein
pukarta raha us ko idher udher kaisa

na aitebar na asoodgi na qarb tera
faqat dewar o dar hai, ghar kaisa

mein jis ke hijer mien roya hon pagaloon ki tarah
wo kal mila to hansa mere haal per kaisa

aziz ter thi jissay neend shaam-o-wiasl men bhi
wo tere hijr mein jaga hai umer bhar kaisa

bus ek shakhs ki khatir bus ek dil ke liye
watan ko tej diya dewangi mien , ghar kaisa

kahan ki dosti, kesa firaq, kon faraz
mein khud ko bhool gaya tujh ko bhool ker kaisa !!!

ek rangiin jhijhak ek saadaa payaam
kaise bhuuluu.N kisii kaa vo pahalaa salaam
phuul ruKhsaar ke ras_masaane lage
haath uThaa qadam Dag_magaane lage
rang-saa Khaal-o-Khad se chhalakane lagaa
sar se rangiin aa.Nchal Dhalakane lagaa
ajanabiyat nigaahe.n churaane lagii
din dha.Dakane lagaa lahar aane lagii
saa.Ns me.n ik gulaabii girah pa.D ga_ii
ho.nTh tharraaye simaTe nazar ga.D ga_ii
rah gayaa umr bhar ke liye ye hijaab
kyo.n na sambhalaa huaa de sakaa mai.n javaab
kyo.n mai.n be-qasd be-azm be-vaastaa
duusarii samt ghabaraa ke takane lagaa

[SIZE=7][COLOR=blue][B]
na shikayetein na gilla karey
koi aisa shaks hua karey
jo mere liye hi saja karey
mujh hi se batein kia karey
kabhi roye jaye woh be pannah
kabhi betahasha udaas ho
kabhi chupke chupke dabe qadam
mere pechey aaker hansa karey
meri qurbatein meri chahatein
yoh yaad karey qadam qadam
mein taweel safar mein hoon agar
meri wapsi ki dua karey ......!!!

its nice na !!!

Khvaab marate nahin
Khvaab dil hain na aankhein na saansein ke jo
rezaa-rezaa hue to bikhar jaayenge
jism kii maut se ye bhii mar jaayenge

Khvaab marate nahin
Khvaab to raushanii hain, navaa hain, havaa hain
jo kaale pahaadon se rukate nahin
zulm ke dozakhon se bhii phukate nahin
raushanii aur navaa aur havaa ke aalam
maqtalon mein pauhanch kar bhii jhukate nahin

Khvaab to harf hain
Khvaab to noor hain
Khvaab to suqraat hain
Khvaab mansoor hain

woh dil hi kia tere milney ki jo dua na karey
mein tujh ko bhool k zinda rahon khuda na karey
rahey ga saath tera , pyar zindagi bhar
yeh aur baat zindagi meri waffa na karey
yeh theek hai, nahi merta koi judaee mein
khuda kisi ko kisi se magar juda na karey
agar waffa pe bharosa rahey na dunya ko
to koi shaks mohobbat ka housala na karey
suna hai us ko mohobbat duain daiti hai
jo dil pe chot to khaey magar gilla na karey
bhuja dia hai naseebon ne mere pyar ka chaand
koi diya aab meri palkon pe jala na karey
zamana daikh chuka hai parakh chuka hai usey
KAMRAN jaan se jaey yeh illteja na karey !!!

nice

thanx v much G1

Abhi kuch pul hamarey haath main hain
koan jaaney
konsa lamha hamarey haath say phisley, girey
or paoon ki zanjeer hojayey
abhi yeh din jo lagta hay k hum ik doosrey k saath
reh saktey hain pal do pal
najaaney kub kahan deewaar bun jayain
abhi do chaar saansain buch rahi hain
yeh to jhaunka hain
kisey maloom kis aahistagi say yoon guzar jayay
k hum daryaoun k do mukhtalif na'aashna goongey kinaaroun par
kharey
ik doosrey ki shakal takney ko taras jayain
meri awaaz teri yaad main zinda hou bus
or main teri tasweer aankhoun main liyey rona chupaoon
shehar waaloun say
abhi kuch pul hamarey haath main hain
hum jo chahain gain to kuch kum kum bhi mil lain gain
magar jaaney kahan.... ?
kub... ?
konsa lamha....?

my pleasure

kuch aur to nahi chaha teri chahat se
miley hein gham mujhey kia kia teri annayat se
kisi terhan meri kismat ka failsala ker do
mujhey tum aahi miley ho jo aaj kismat se
juda hua to thakkan umer bhar ki sounp gaya
katta tha rasta jis shaks ki sharakat se
mujhey yaqeen hai mosam firaq ka aaye ga
taik rahey hein shararey gulon ki rangat se
na janey kia ho qayamat k din aaye BISMIL
firaq us ka bhi kam to nahi qayamat se !!!

RAAT DHAL AAYI HAY


Raat dhal aayi hai
soagawaar taareeki, royi hui udaasi ki tarah
hur soo phail rahi hai
aankhoun main bikhrey huay baadal aahista aahista ikhattey ho rahey hain
jharhi lagti jaa rahi hay
afsurdaa hawa, pasmurda faza,
mujhay khul k roo kiyoon nahin lainey detay
aansoo bahar barsain to aansoo
andar barsain to patthar
jharhi bahar lagey to jharhi, andar lagey to chup
shaam bahar dhal aayey to shaam
andar dhal aayey to gham
raat dhal aayi hay
andar bhi, baahar bhi
raat baahar dhal aayey to raat andar dhal aayey tou maut
dukh hee dukh
aansoo hee aansoo
doori hee doori
bicharhna
bicharh jana, hur shay say, apnay aap say bhi
raat dhal aayi hay
roaz hee dhal aati hay!!

aankh se jata nahi aandaz ajab tha
samajh mein ata nahi raaz ajab tha
woh shokhian woh bachpana, woh hanstey hanstey hi rehna
dil mein chupata kahin awaz ajab tha
woh meri khawaish ka dheere dheere machal ana
jo arman batata nahin hum raaz ajab tha
mere jis k peaker mein woh ghomti rehti hai
mein kisi ko batata nahi saaz ajab tha
woh aai to dil jhoom utha, maan mehak gaya
khushboo bhi ajab thi woh ahsaas ajab tha
noor us ki sooch to rooh mein dhal gae
jis ka koi aant nahi aaghaz ajab tha !!!

Aankh jalti hay meri neend main bhi
raat ki zulfoun main jaaney kia hay
aankh k shaanoun par lehraatey hee
hur taraf dhoop jaga deti hain
aankh ko neend say dur lagta hay
neend ko khuwaab say dur lagta hay
khuwaab ko apney bikhar jaaney say dur lagta hay
roaz aa aa k koi yaad, koi gham
koi weeraani see
daal jaati hay meri royi hui aankh main rait
neend is zoar say chubhti hay mujhay
aankh main chaaley parhey houn jaisey~!!

KIUN TABBIET KAHIN TEHERTI NAHI .........

kiun tabiet kahin teherti nahi
dosti to udaas kerti nahi
hum hamesha k seer chasham sahi
tujh ko daikhein to aankh bharti nahi
shab-e-hijaran bhi roz-e-bad ki terhan
kut to jati hai per guzarti nahi
shair bhi kia aayaton se kam hein
hum pe mana wahi uterti nahi
us ki rehmat ka kia hisaab karein
bass humein se hisab kerti nahi
yeh mohobbat hai ,sun!zamaney sun
itni aasanion se merti hai
jis terhan tum guzartey ho faraz
zindagi is terhan guzarti nahi !!!

guzartay lamho main thak gaya hoon, bikhar gaya hoon
main saathiyon say bichar gaya hoon
ye saathion kee mufarqat bhee ajeeb shay hay
kay jitna arsa ye saath chaltay hain
chotee chotee fuzool baaton pay rooth jatay hain aur lartay hain
doston kay jawaan iraday shikast kartay hain
raastay kee saaoobaton say inhain daratay hain aap dartay hain
manzilon ko pukartay hain
magar inhee kay wujood hain jo musafaton ko nikhartay hain
guzartay lamho main sathion say bichar gaya hoon
main apnee tanhaee kay tahayyur say dar gaya hoon
main wo musafir hoon jis kay paaon main manzilain hain na rehgyzar hay.............

MOHOBBAT KERNEY WALEY KAM NA HONGEY ....!!

mohobbat kerney waley kam na hongey
teri mehfil mein lekin hum na hongey
zamaney bhar k gham ya ek tera gham
ye gham hoga to kitney gham kam na hongey
dilon ki uljhanein berhati rahein ge
agar kuch mashware baham na hongey
agar tu ittefaqan mil bhi jaey
teri furkat k sadmein kam na hongey
hafeez un se jitna badgumaan hoon
woh mujh se is qadar berham na hoon gey !!!

jo meri aankhon say khuab daikho to,,
aik shab bhi na so sako gay.
hazar chaho na hans sako gay
hazar chaho na ro sako gay,
k,,khuab kiya hain azab hain yeh,
meray dukhon ki kitab hain yeh,
rafaqatain in main chutt-ti hain,
mohabbatain in main rooth-ti hain,
panapty hain in main wehshatain si,
azziyatain in main phoot-ti hain,
inhi kay darr say khizan hain jazbay,
inhi say shakhain si toot-ti hain,
ghamon ki bandish hain khuab meray,
dukhon ki barish hain khuab meray
raheen-e-atish hain khuab meray
ubal raha hay dukhon ka laawa..
khayal saray jhulas gaye hain,
sulagti khuahish hain khuab meray
ukhadti sansain hain zindagi ki
lahoo ki sazish hain khuab meray
jo mery ankhon say khuab daikho to....
ek shab bhi na so sakogay.....

is se pehley k hum bewafa ho jain
kiun na aaye dost hum juda ho jain
tu bhi hirey se ban gaya patthar
hum bhi kal kia se kia ho jain
hum bhi majborion ka uzer karein
aur kahin aur mubtila ho jain
ishq bhi khail hai naseebon ka
khak ho jain kimiya ho jain
aab k ger tu miley to hum tujh se
aisey liptein teri qabaa ho jain
bandagee hum ne chor di hai faraz
kia karein log jab khuda ho jain!!!!

BAS ITNA KEHNA HAI
Mujhe bass itna kehna hai,
kabhi main yaad aoon to
Kabhi tanhayee ki raatain,
tumhai zyada satayen to
Kabhi titli na bole to,
aur jugnu lot jaye to
Kabhi jab dil bhi bhar jaye,
Koi jab sun na paye to
Kabhi sab dost saathi bhi jo tum se rooth jayen to
Kabhi jab khud se lad ker thakan se chur ho jao to
Kabhi chahte huwe bhi khud akele roo na pao to
Apni aankhon ko band kerna mujhe awaz de dena
Phir mere tasawwur se jo chahai baatain keh dena
Mere kandhe per sir rakh ker tum jitna chahe ro lena
Jab main khud lout jaon to apni dunya chale jana
Magar bass itna kehna hai
Ke jab bhi dukh ya khusyoon main
Humain dil se pukaro ge
Humain tum saath pao ge

jin ke chehre hoon chand ki soorat
un ke dil mein bhi daag hote hain

tumhari bazam mein dhundli si roshni ki hai
dilon ke daag,chiragon ke ro-baro to nahin

zeest se tang huwa hai daag to kuin jeete ho
jaan pyari bhi nahi jaan se jaate bhi nahi

nigah parhti hai jis waqt dil ke daagon per
to aik dost ke ehsan yaad aate hain

masham jaan muattar hai tere tassawur se
mein apne dil ke har ik daag ko gulab karoon

app ke sar ki qasam daag ko parwah bhi nahi
app se milne ka hoga jise armaan hoga

bheegi jo raat jal uthe hasrat kade ke daag
hum wadi bahar chiragon mein aa gaye

woh teri yaad ka ik zakham bhar gaya laiken
kabhi jo mit na sake woh daag chor gaya

"sarhad ka jhagra hi kiya hai?"


sarhad paar ke dost mujhe kehty hain...
sarhad ka jhagra hi kiya hai...
hum sab aik hain, sab acha hai...
har aik sarhad be-maani hai...
dunia ki takhleeq se ab takk..
sarhaddien banti aor mit-ti rahi hain..
yuhi banti mit-ti rahien gi..
un ko choro..
kaanoo se jo aaj suna hai..
aor aankhien jo janam janam se dekh rahi hain..
un ke beech hadd-e-faazal bohat bari hai..
taary mutthi main bharr lena..
acha to lagta hai laiken..
kon sitaary ko choo sakta hai..
rah main saans ukharr jaati hai..
jazbay ki aafaaq baday hain..
lamhy ki safaaki laiken is se sadiyoon aagy ki hai..
khwahish ke kuhray ki peechy..
dard ki har sarhad roshan hai
ik sarhad kashmir ki seena peet-ti maoon ke aansoo hain..
behnien apny bhaayioon ko...
bain se rukhsat karti hain...
parbatt shor machaaty hain...
un noohoon ko duhraaty hain...
ik sarhadd gujraat ki galiyoon ki laashien hain...
thori dafan hoi hain..
baaqi 2 taangoo pe chalti hain
laakhoon sarhadien be-awaaz goonjoon ki hain...
jin ke hont to hilty hain...
alfaaz nahi hoty...
sarhad aor kisy kehty hain...
khoon bohat bola karta hai...
khoon ki boli tery mery...
khair sagaali lafzoon se zor awar hai...
itni sar-kash, itni baaghi...
jesy beech bhanwar ka paani...
khaali lafzoon ki meraas to sirf hawa hai...
khaali lafzoon ka choga na do...
warna ye bhi urr jaien sookhy patty ban ker...
waqt ki gehri gard main doob jaien gay....
jis ke aagy sirf khalaa hai..sirf fana hai...............!

Ham to Majboor.e.Wfa hn magr ae Jan.e.Jahan
apny ushaq se aesy bhi koi krta hai
teri mehfil ko khuda rakhy abad tak qaim
ham to mehman hain ghari pal k hmara kia hai

Sham aye teri yaadoon kay sitarey niklay
Rang hi gham kay nahin naqsh bhi piyarey niklay

Ek moh ham tamana kay saharey niklay
Chand kay saath teray hijr kay marey niklay

Koi mousam ho magar shan-e-kham wohi
Raat ki terhan koi zulf sanwarey niklay

Rukhs jin ka humain sahil say baha laya tha
Wo banwar aankh tak aye tu kinarey niklay

Wo tu jaan lay kay bhi waisa hi sabak naam raha
Ishq kay baab mian sab jurm humarey niklay

Ishq dariya hay, jo tairey wo tah-e-dast rahey
Joo doobay they, wo kisi kinarey niklay

Dhoop ki rut mian koi chaaon ugaata kaisey
Shaaq phooti thi kay humsayon mian aarey niklay

nice one MS and Fawad

Yeh DUA hai koi gila nahi

mere hamnashei(n) meri zindagi
woh gulab hai jo kabhi bhi khlia nahi
main yeh sochta hoon KHUDA kare
tuhje zindagi mein woh sakoon mile
jo mujhe kabhi bhi mila nahi

Yeh DUA hai koi gila nahi

tu buland saroo k roop mein
main zamee(n) ki tarha se dhoop mein
jise asma(n) se gila nahi

Yeh DUA hai koi gila nahi